Pas rreth një dekade të suksesshme në Bergamo, ku u shndërrua në një nga liderët e Atalantës dhe fitoi Europa League në 2024, kapiteni i Kombëtares shqiptare, Berat Gjimshiti, ka ndryshuar ambient dhe kontinent duke u transferuar te klubi i ri në elitën e futbollit saudit, Diriyah. Mbrojtësi 33-vjeçar është prezantuar zyrtarisht nga skuadra e re dhe nis një sfidë të re në karrierën e tij. Një detaj i rëndësishëm në këtë transferim është përfshirja e Olsi Ramës, ish-drejtor i Partizanit, i cili ka luajtur rol në realizimin e operacionit. Ky ndryshim shënon mbylljen e një kapitulli të gjatë në Itali dhe fillimin e një faze të re për një nga figurat më të respektuara të futbollit shqiptar dhe europian.