Mbrojtësi i Kombëtares shqiptare, Berat Gjimshiti, do të rikthehet në fushë këtë të hënë në ndeshjen e Atalantës kundër Lecces në kuadër të xhiros së 27-të në Serie A. Kjo ndeshje do të shënojë paraqitjen e tij të 327-të me fanellën e klubit italian, duke u bërë lojtari i katërt me më së shumti ndeshje në historinë e Atalantës, duke kaluar edhe emra të njohur si Valter Bonacina. Gjimshiti ka pasur një sezon të palodhur, me 39 paraqitje deri tani në të gjitha garat dhe një gol të shënuar në Kupën e Italisë, ndërsa pritet të rinovojë kontratën që i skadon në fund të sezonit aktual. Ai synon të vazhdojë të jetë një nga forcat kryesore të skuadrës dhe të ndihmojë Atalantën të rikthehet te fitoret.