Bernard Berisha, sulmuesi kosovar i Dinamo City, është në prag të largimit nga klubi pas një sezoni në Superiore. Megjithëse kontrata e tij zgjat deri në qershor 2027, marrëdhënia e tensionuar me trajnerin Ilir Daja dhe mungesa e minutave të luajtura kanë nxitur 34-vjeçarin të marrë vendimin për t’i dhënë fund bashkëpunimit. Gjatë këtij sezoni, Berisha ka luajtur 33 ndeshje, shumicën jo si titullar, duke shënuar një gol dhe dhënë katër asistime, ndërkohë që fitoi edhe Kupën e Shqipërisë me Dinamon. Destinacioni i ardhshëm i tij mbetet i paqartë, me mundësi që të vazhdojë karrierën në Shqipëri ose Kosovë.