Bernardo Silva do të largohet nga Manchester City në fund të sezonit, pasi kontrata e tij skadon dhe ai nuk do ta rinovojë atë. Mesfushori portugez, i cili është kapiten i skuadrës dhe ka fituar 18 trofe me klubin anglez, ka njoftuar tashmë për vendimin e tij dhe largimi është konfirmuar edhe nga asistenti i trajnerit Pep Guardiola. Në garë për shërbimet e tij janë klube si Juventus dhe Barcelona, ndërsa nuk përjashtohet mundësia që Silva të vazhdojë karrierën në MLS të SHBA-së ose në Arabinë Saudite, me Al Nassr si një destinacion i mundshëm. Silva dëshiron të fitojë trofe me Manchester City këtë sezon, ku klubi është ende në garë për titullin në Ligën Premier dhe FA Cup, përpara se të marrë vendimin për të ardhmen e tij.