Bernardo Silva, mesfushori portugez i Manchester City, do të largohet nga klubi në fund të këtij sezoni si lojtar i lirë, pasi nuk do të rinovojë kontratën e tij. Largimi i tij është konfirmuar nga stafi i trajnerit Pep Guardiola, duke i dhënë fund një aventure 9-vjeçare në “Etihad”. Pas një periudhe të suksesshme me shumë trofe në Angli, Silva pritet të nisë një kapitull të ri në karrierën e tij. Juventus është një nga klubet më të interesuara për shërbimet e tij dhe po përgatit një ofertë për ta transferuar me parametra zero, duke e parë Serie A si destinacion të mundshëm për mesfushorin portugez.