Bernardo Silva ka vendosur të mos pranojë ofertën e Barcelonës, duke i dhënë një kthesë të papritur merkatos së verës. Mesfushori portugez, i cili largohet nga Manchester City si lojtar i lirë, nuk u bind nga projekti sportiv dhe financiar i klubit katalanas, i cili nuk dëshironte të tejkalonte limitet e pagave për një lojtar në këtë fazë të karrierës. Pas refuzimit të Barcelonës, garën për firmën e tij e kanë marrë Juventus dhe Galatasaray, me klubin turk që raportohet se ka paraqitur ofertën më të lartë financiare. Kjo situatë për Barcelonën përfaqëson një humbje të rëndësishme, por drejtuesit shpresojnë të gjejnë alternativa më të përballueshme për repartin ofensiv dhe mesfushën.