Bersant Celina, mesfushori sulmues 29-vjeçar, pritet të firmosë një kontratë të re me klubin suedez AIK, e cila do ta mbajë atë në skuadër për të paktën dy vite të tjera. Kontrata aktuale e tij skadon më 31 gusht 2026, por negociatat mes palëve janë në fazë përparimi dhe pritet të përfundojnë së shpejti. Celina ka bërë të ditur se dëshiron të vazhdojë karrierën te AIK-u dhe nuk po shqyrton oferta nga klube të tjera, duke treguar besnikëri ndaj klubit ku luan që nga janari i vitit 2024. Ai është një prej lojtarëve kyç të skuadrës, me një gol në tri paraqitje në kampionatin suedez dhe një karrierë të pasur në klube si Dijoni, Stoke City, Kasimpasa, Ipswich Town, Swansea, Manchester City dhe Twente.