Beshiktashi po përgatitet për një ndryshim të rëndësishëm në krahun e djathtë të sulmit, me largimin e Milot Rashicës në fund të sezonit. Skuadra turke po synon të transferojë Edon Zhegrovën si zëvendësuesin e tij, i cili pritet të largohet nga Juventusi këtë verë. Kontaktet mes Beshiktashit dhe Zhegrovës janë intensifikuar, pasi ai është futur në listën e shitjeve nga klubi italian. Zhegrova ka kontratë deri në vitin 2030 me Juventusin dhe transferimi mund të kushtojë rreth 15 milionë euro, ndërsa gjatë sezonit aktual ka pasur pak minuta loje me skuadrën italiane.