Klubi i Ballkanit ka njoftuar se biletat për ndeshjen e kthimit të raundit të parë kualifikues në Conference League kundër Connah’s Quay Nomads janë tashmë në shitje. Ndeshja do të zhvillohet në stadiumin “Fadil Vokrri” në Prishtinë, me fillim në orën 20:00 të enjten. Çmimet e biletave variojnë nga 3 euro për sektorin Lindje, 5 euro për Perëndim dhe 10 euro për VIP, ndërsa ato mund të blihen në zyrat e klubit në Suharekë pranë “Stadiumit të Qytetit”. Ballkani synon të marrë fitoren në këtë përballje të rëndësishme për të avancuar më tej në garën europiane.