Ish-mesfushori i Zvicrës, Blerim Xhemaili, ka bërë një vlerësim të lartë për Granit Xhakën, duke e cilësuar atë si futbollistin më të madh që ka pasur ndonjëherë Zvicra. Në një intervistë për Blick, Xhemaili theksoi rëndësinë e Breel Embolos për ekipin kombëtar, por nënvizoi se asnjë lojtar nuk mund të krahasohet me trashëgiminë dhe ndikimin e Xhakës në futbollin zviceran. Ai e përshkroi Xhakën si një figurë të jashtëzakonshme dhe një nder për ata që kanë luajtur pranë tij. Granit Xhaka vazhdon të jetë lider i kombëtares dhe një nga lojtarët më të respektuar në arenën ndërkombëtare.