Sot, më 22 mars 2026, rruga nga Prishtina Mall deri në Veternik do të bllokohet përkohësisht nga ora 09:00 deri në 11:00 për shkak të organizimit të garës ndërkombëtare të vrapimit rrugor “Kosova në Lëvizje”. Kjo garë është organizuar nga Federata Atletike e Kosovës dhe ka marrë pëlqimin e Ministrisë së Infrastrukturës për zhvillim në segmentin e rrugës nacionale N2. Policia e Kosovës do të asistojë në bllokimin e rrugës në të dy drejtimet për të garantuar sigurinë e pjesëmarrësve në garë. Autoritetet u bëjnë thirrje qytetarëve dhe pjesëmarrësve në trafik që gjatë kësaj periudhe të shmangin këtë segment rrugor dhe të përdorin rrugë alternative për të evituar vonesat dhe ngarkesat në komunikacion.