Skuadra norvegjeze Bodo/Glimt ka shkaktuar një surprizë të madhe në Ligën e Kampionëve duke eliminuar Interin në fazën e play-off-it me rezultat të përgjithshëm 5-2 pas dy ndeshjeve. Pas fitores 3-1 në Norvegji, Bodo/Glimt fitoi edhe në San Siro me rezultat 2-1, duke tronditur liderin e Serie A dhe duke siguruar kalimin në 1/8 e finales. Golat për Bodo/Glimt u shënuan nga Jens Hauge në minutën e 58-të dhe Hakon Evjen në minutën e 72-të, ndërsa për Interin golin e nderit e realizoi Alessandro Bastoni në minutën e 76-të. Interi pati mundësi për të barazuar, por goditja në shtyllë e Manuel Akanjit në minutën e 69-të dhe mungesa e konkretizimit në momente kyçe i kushtuan eliminimin nga gara. Kjo humbje për Interin është një turp i madh, ndërsa Bodo/Glimt do të përballet në fazën tjetër me njërën prej skuadrave Manchester City ose Sporting Lisbonës.