Boksieri i ri nga Kosova, Riad Isufi, do të përballet sot me serbin Filip Stojanovic në gjysmëfinalen e turneut ndërkombëtar të boksit për të rinj “Adriatik Pearl” U19 World Boxing Cup, që po zhvillohet në Budva të Malit të Zi. Ndeshja në kategorinë deri në 55 kilogramë është parashikuar të fillojë në orën 15:00 dhe pritet të jetë shumë intensive dhe e fortë. Me arritjen në këtë fazë, Isufi ka siguruar medaljen e bronztë, por synimi i tij mbetet kalimi në finale dhe lufta për medaljen e artë. Në rast fitoreje ndaj Stojanovic, ai do të avancojë në finalen e madhe të turneut, që do të mbahet më 11 mars në Budva.