Klubi i basketbollit Bora nga Prishtina ka vendosur të tërhiqet nga Liga Unike mes Kosovës dhe Shqipërisë pas zhvillimit të tri ndeshjeve këtë sezon. Arsyeja kryesore e këtij vendimi është kalendari i ngjeshur i ndeshjeve, që ka vështirësuar pjesëmarrjen e skuadrës në këtë garë ndërkombëtare. Para tërheqjes, Bora kishte regjistruar një fitore dhe dy humbje në Ligën Unike, ndërsa tani do të përqendrohet plotësisht në garat vendore. Aktualisht, në Superligën e Kosovës, skuadra renditet në vendin e tretë dhe ka synim të paraqitet sa më mirë në fazën e “play-offit”.