Borussia Dortmund ka rikthyer interesimin për sulmuesin kosovar Fisnik Asllani dhe po përgatit një ofertë huazimi me obligim blerje drejt Hoffenheimit. Sipas raportimeve të gazetës gjermane Bild, Dortmundi e sheh Asllanin si pasuesin e mundshëm të Serhou Guirassyt dhe po planifikon që pagesa për transferimin të bëhet një vit më vonë. Lojtari është i gatshëm për çdo lëvizje dhe nuk do të refuzonte një angazhim te skuadra e verdhëzinjve. Përpara se të finalizohet kjo marrëveshje, Dortmundi duhet të largojë Silvanin, i cili po kërkohet nga Real Betis.