Bosnja dhe Hercegovina arriti një sukses historik duke eliminuar Italinë në finalen e play-off-it për kualifikim në Kampionatin Botëror 2026, që do të mbahet në SHBA, Kanada dhe Meksikë. Ndeshja u luajt në Tuzla dhe përfundoi 1:1 pas 120 minutash lojë, ku Italia kaloi e para në epërsi me golin e Moise Kean, por u penalizua nga kartoni i kuq i mbrojtësit Bastoni në pjesën e parë, duke mbetur me 10 lojtarë. Bosnja barazoi në minutën e 80 me golin e Haris Tabakoviq, i cili hyri në lojë në pjesën e dytë dhe ndezi festën në tribuna. Në serinë e penalltive, boshnjakët shfaqën më shumë saktësi duke fituar 4:1, me golin vendimtar të Esmir Bajraktareviq, duke siguruar kështu pjesëmarrjen e tyre të dytë në histori në një Botëror, ndërsa Italia për herë të tretë radhazi do të mungojë në këtë kompeticion.