Presidenti i CONMEBOL-it, Alejandro Dominguez, ka sugjeruar se Kupa e Botës 2030 mund të zhvillohet me 64 kombëtare pjesëmarrëse, duke shënuar kështu 100-vjetorin e këtij eventi me një format të zgjeruar. Turneu do të organizohet nga Spanja, Portugalia dhe Maroku, ndërsa ndeshjet hapëse do të zhvillohen në Uruguai, Argjentinë dhe Paraguai, vendi ku u zhvillua dhe Botërori i parë në vitin 1930. Presidenti i FIFA-s, Gianni Infantino, ka mbështetur idenë e zgjerimit, duke theksuar se kjo do t’i japë mundësi më shumë vendeve të ëndërrojnë pjesëmarrjen në Kupën e Botës, megjithëse vendimi final nuk është marrë ende. Ndërkohë, propozimi ka shkaktuar debate dhe kundërshti nga disa drejtues të futbollit, duke përfshirë presidentin e UEFA-s, i cili e ka cilësuar idenë si të dëmshme për futbollin ndërkombëtar.