Kombëtarja e Brazilit përmbylli fazën përgatitore për Kupën e Botës 2026 me një fitore 2:1 ndaj Egjiptit në një ndeshje miqësore në Cleveland. Brazilianët kaluan në avantazh që në minutën e shtatë përmes Bruno Guimaraes, por gabimet në mbrojtje lejuan Egjiptin të barazojë shifrat vetëm katër minuta më vonë me Mostafa Ziko. Në pjesën e dytë, talenti i ri Endrick shënoi golin e fitores pas një asistimi të Raphinhas, duke vulosur triumfin e Brazilit. Me tre fitore radhazi në fazën përgatitore, Brazili hyn me vetëbesim në Botëror, ku do të ndeshet fillimisht me Marokun më 13 qershor në New York, ndërsa Egjipti do të përballet me Belgjikën më 15 qershor në Seattle.