Bregu i Fildishtë ka befasuar duke fituar 2:1 në ndeshjen miqësore ndaj Francës, e zhvilluar në Nantes, vetëm pak ditë para fillimit të Kupës së Botës 2026. Franca kaloi e para në avantazh me golin e Rayan Cherkit në minutën e 45, por në pjesën e dytë Bregu i Fildishtë reagoi fuqishëm dhe përmbysi rezultatin me dy gola të Guela Doues dhe Amad Diallos. Guela Doue, vëllai i yllit të PSG-së Desire Doue, shënoi golin e barazimit, ndërsa Diallo, sulmues i Manchester United, vulosi fitoren në minutën e 84. Kjo humbje e Francës, e cila do të luajë edhe një miqësore ndaj Irlandës së Veriut më 8 qershor, vjen në një moment kritik për skuadrën para sfidave në grupin e Botërorit ku do të përballet me Senegalin, Irakun dhe Norvegjinë.