Në javën e 32-të të Premier League, Brighton arriti një fitore të rëndësishme 2-0 në fushën e Burnley në “Turf Moor”. Mats Wieffer shënoi një gol në secilën pjesë, duke siguruar tre pikët që i afrojnë Brighton në garën për Kupat e Europës, duke u ngjitur në vendin e 9-të me 46 pikë, vetëm tre pikë larg Liverpoolit që mban vendin e pestë dhe kualifikimin për Champions League. Armando Broja u aktivizua në minutën e 82-të për Burnley, por nuk arriti të ndikojë në rezultatin përfundimtar. Në ndeshjen tjetër të ditës, Brentford dhe Everton ndanë pikët me një barazim 2-2; Igor Thiago shënoi dopietë për Brentford, duke u bërë futbollisti brazilian me më shumë gola në një sezon në Premier League, ndërsa për Everton shënuan Beto dhe Dewsbury-Hall në minutat shtesë. Brentford dhe Everton ndajnë vendet e shtatë dhe të tetë me nga 47 pikë secili.