Bujar Pllana, mbrojtësi i Kombëtares shqiptare, ka ndërprerë marrëveshjen me Lechia Gdansk pas rënies së klubit nga kategoria e parë në të dytën. Ai nuk pranoi të luante në divizionin e dytë dhe kjo solli tensione mes tij dhe klubit, të cilat u mbyllën me një marrëveshje për ndërprerjen e kontratës, edhe pse kishte mbetur ende dy vite në të. Trajneri i Lechia Gdansk, Vladislav Lupashko, kishte paralajmëruar masa disiplinore ndaj Pllanës, duke theksuar se futbollisti mund të kishte probleme me pagesat ose të kërkonte skuadër tjetër. Tani, si lojtar i lirë, Pllana pritet të zgjedhë një skuadër të re dhe të nisë një kapitull të ri në karrierën e tij, me oferta të ndryshme që po shqyrtohen.