Legjenda braziliane e futbollit, Cafu, ka përzgjedhur katër futbollistët më të mëdhenj në histori, të cilët sipas tij përfaqësojnë artin e vërtetë të këtij sporti. Ai ka vlerësuar Diego Maradonën, Lionel Messin, Pelen dhe Ronaldinhon si lojtarë që kanë lënë një trashëgimi të jashtëzakonshme dhe kanë shfaqur një lehtësi të pabesueshme në lojë. Cafu thekson se këta futbollistë dallohen jo vetëm për talentin, por edhe për personalitetin dhe sjelljen e tyre në fushë, duke mos u përfshirë në përplasje dhe duke vazhduar lojën me buzëqeshje edhe pas goditjeve. Më e rëndësishmja, sipas tij, është mënyra se si ata dominonin kundërshtarët me driblime dhe gola, duke ofruar atë që tifozët e futbollit duan të shohin.