Të martën, në zyrat e Federatës së Futbollit të Kosovës u zhvillua shorti për fazën gjysmëfinale të Kupës së Kosovës, ku u përcaktuan çiftet Llapi – Ferizaj dhe Ballkani – Dukagjini. Kjo fazë do të luhet me sistem vajtje-ardhje, me ndeshjet e para më 8 prill në Podujevë dhe Suharekë, dhe ndeshjet e kthimit më 22 prill në Ferizaj dhe Klinë. Vetëm dy skuadra nga këto katër do të avancojnë në finalen e madhe të Kupës së Kosovës. Fituesi i këtij kompeticioni do të sigurojë pjesëmarrjen në garat evropiane, konkretisht në Ligën e Konferencës së UEFA-s.