Celtic ka fituar titullin e kampionit të Skocisë për sezonin 2025/26, duke mposhtur në ndeshjen vendimtare rivalin e drejtpërdrejtë Hearts me rezultatin 3-1. Hearts kaloi i pari në epërsi në minutën e 43-të, por Celtic barazoi në minutat shtesë të pjesës së parë me një penallti të realizuar nga Arne Engels. Në fund të ndeshjes, Daizen Maeda shënoi golin vendimtar për Celtic, një gol që u diskutua për pozitë jashtë loje, por u konfirmua pas kontrollit të VAR-it. Në minutat shtesë, Callum Osmand vulosi fitoren, duke i dhënë Celticit titullin e 56-të në histori dhe duke e bërë skuadrën më të suksesshme në futbollin skocez, ndërsa Hearts mbeti nënkampion me 80 pikë. Festimet në Glasgow u shoqëruan me masa të mëdha sigurie për shkak të tensioneve dhe incidenteve në fushë.