Ceremonia e mbylljes së Lojërave Olimpike Dimërore Milano-Cortina 2026 u zhvillua mbrëmjen e së dielës në Arenën e Veronës, e cila u shndërrua në një skenë madhështore për këtë ngjarje të veçantë. Programi artistik përfshiu performanca nga artistë të njohur si Roberto Bolle, Achille Lauro, Dj Gabry Ponte dhe Orkestra e Fondazione Arena di Verona, duke kombinuar muzikën opera dhe pop në një atmosferë festive dhe kulturore. Ceremonia përfshiu paradën e 93 kombeve pjesëmarrëse, ku flamuri shqiptar u parakalua pas Greqisë, vendit themelues të Lojërave Olimpike. Në fund u shua flaka olimpike dhe stafetën për Lojërat Dimërore 2030 e mori Franca, ndërsa Kryeministrja italiane Giorgia Meloni falënderoi atletët, organizatorët dhe vullnetarët për suksesin dhe emocionet që sollën këto lojëra.