Chelsea dhe Burnley përfunduan ndeshjen e javës së 27-të në Premier League me rezultat 1:1, pasi Burnley barazoi në minutën e 90+3 me golin e Zian Flemming. Chelsea kaloi në avantazh që në minutën e 4-të me golin e Joao Pedro, por më pas u përball me vështirësi pasi Wesley Fofana u përjashtua në minutën e 72 për shkak të dy kartonëve të verdhë. Burnley, që lufton për mbijetesë dhe mungoi sulmuesi shqiptar Armando Broja për shkak të lëndimit, arriti të shmangë disfatën në fund të ndeshjes. Pas këtij barazimi, Chelsea mbetet në vendin e katërt me 45 pikë, ndërsa Burnley renditet në vendin e 19-të me 19 pikë.