Chelsea po kërkon një trajner të ri pas largimit të Liam Rosenior në prill, dhe emri i Xabi Alonson po përmendet si favorit kryesor për stolin e “Bluve” të Londrës. Drejtuesit e klubit kanë nisur bisedimet fillestare me trajnerin spanjoll, i cili është i hapur ndaj sfidës në Premier League, por kërkon më shumë qartësi mbi ndikimin që do të ketë në projektin sportiv të skuadrës. Në garë për këtë post janë edhe trajnerë të tjerë si Andoni Iraola dhe Marco Silva, ndërsa klubi synon të ndërtojë një identitet të ri dhe të rikthejë besimin e tifozëve pas një sezoni të vështirë. Aktualisht, Chelsea drejtohet përkohësisht nga Calum McFarlane dhe synon të emërojë trajnerin e ri para nisjes së Kupës së Botës, duke u përgatitur edhe për sfidat në merkato dhe garat evropiane.