Chelsea po përballet me një verë sfiduese në krahun e majtë të mbrojtjes, pasi Marc Cucurella ka shprehur dëshirën për t’u larguar nga klubi pas dështimit për të siguruar kualifikimin në Ligën e Kampionëve. Interesimi për mbrojtësin spanjoll është i madh, me Atletico Madridin si destinacionin më të mundshëm, ndërsa edhe Barcelona, Real Madridi dhe Bayern Munich ndjekin situatën e tij. Chelsea ka vendosur një çmim prej 70 milionë eurosh për kartonin e Cucurellas dhe nuk do ta lejojë largimin pa një ofertë të konsiderueshme.