Chelsea nuk ka hequr dorë nga transferimi i Granit Xhakës dhe po përgatit një ofertë të dytë më të lartë, që mund të arrijë deri në 12.5 milionë funte plus bonuse, pas refuzimit të parë nga Sunderland. Sunderland, që e bleu mesfushorin shqiptar vetëm verën e kaluar për 17.5 milionë funte dhe e bëri kapiten, nuk dëshiron ta shesë, duke e konsideruar Xhakën një figurë kyçe për skuadrën dhe duke mos pranuar humbje financiare. Granit Xhaka është i interesuar për transferimin në Chelsea, ku trajneri Xabi Alonso dëshiron ta ketë sërish në ekip, por drejtuesit londinezë janë të kujdesshëm për moshën 33-vjeçare të lojtarit. Situata bëhet edhe më e ndërlikuar pasi Sunderland siguroi pjesëmarrjen në garat evropiane në dëm të Chelseat, duke shtuar tensionin në negociata.