Chelsea ka identifikuar mesfushorin francez të Romës, Manu Kone, si objektivin kryesor për të zëvendësuar Enzo Fernandez në rast se ky i fundit largohet nga klubi londinez. Interesi i Manchester Cityt për Fernandez ka krijuar pasiguri rreth të ardhmes së mesfushorit argjentinas te Chelsea. Kone, i cili ka konsoliduar pozicionin e tij te Roma dhe përfaqësuesja e Francës, vlerësohet rreth 60 milionë euro dhe shihet si alternativa më e mirë për të mbuluar mungesën e Fernandez. Chelsea po përgatitet për mundësinë e largimit të Fernandez para mbylljes së afatit kalimtar dhe po shqyrton ofertën që mund t’i bëjë klubit italian.