Pas largimit të Enzo Fernandez drejt Manchester City-t në ditën e fundit të merkatos, Chelsea ka mbetur me boshllëk të madh në mesfushë dhe po përgatitet të ndërmarrë një goditje të madhe në afatin kalimtar të janarit. Klubi londinez ka identifikuar Pablo Barrios, mesfushorin 23-vjeçar të Atletico Madridit, si zëvendësuesin ideal për të mbushur këtë boshllëk, duke qenë se ai është një nga lojtarët më të rëndësishëm të skuadrës së Diego Simeones. Chelsea është i gatshëm të ofrojë deri në 100 milionë euro për Barrios, pavarësisht klauzolës së tij të lartë prej 500 milionë eurosh, duke shpresuar se kjo ofertë do të jetë e mjaftueshme për të bindur Atletico Madridin. Në Stamford Bridge besojnë se Barrios do të formojë një dyshe të fortë në mesfushë me Moises Caicedon, duke sjellë fuqinë dhe intensitetin e nevojshëm për të përmirësuar performancën e skuadrës në Premier League.