Chelsea ka bërë një goditje të madhe në merkato duke prezantuar transferimin e anësorit Morgan Rogers nga Aston Villa, i cili u bë blerja më e shtrenjtë në historinë e klubit londinez dhe e gjithë Premier League. Sipas burimeve, transferimi i 23-vjeçarit ka kushtuar Chelsea midis 130 dhe 137 milionë euro, duke thyer rekordin e mëparshëm prej 135 milionë eurosh të Elliot Anderson te Manchester City. Rogers ka nënshkruar një kontratë afatgjatë 6+1 vjeçare dhe është shpallur futbollisti anglez më i shtrenjtë i të gjitha kohërave. Futbollisti shprehu emocionin e tij për t’u bashkuar me Chelsean, duke e cilësuar klubin si më të madhin në Londër dhe një ëndërr që e ka pasur që fëmijë, ndërsa interes për shërbimet e tij kishte shprehur edhe Arsenali.