Mbrojtësi i Spartak Moskës, Christopher Wooh, ka shprehur respekt për sulmuesin e Rubin Kazanit, Mirlind Daku, pas ndeshjes së fundit në kampionatin rus. Ai e ka përshkruar Dakun si një lojtar shumë të fortë fizikisht dhe inteligjent në lojë, duke e konsideruar si një nga sulmuesit më të vështirë për t’u mbajtur nën kontroll. Në përballjen ku Spartak Moska fitoi 2:1 ndaj Rubin Kazanit, Wooh theksoi se bashkë me shokun e skuadrës Alexander Djiku arritën ta përballonin Dakun. Sulmuesi i Kosovës ka pasur një sezon të suksesshëm me Rubin Kazanin, duke shënuar 11 gola dhe dhënë një asist në 28 ndeshje, duke treguar rëndësinë e tij në repartin ofensiv të skuadrës.