Interesimi për ndeshjen mes Portugalisë dhe Kroacisë në Kupën e Botës 2026 ka shkaktuar një rritje të jashtëzakonshme të çmimeve të biletave në tregun e zi, ku disa prej tyre shiten deri në 18,500 euro. Kjo sfidë e fazës 1/16 të finales, që do të zhvillohet më 2 korrik në Toronto, pritet të jetë një nga më të ndjekurat, pasi mund të jetë ndeshja e fundit në Botëror për legjendat Cristiano Ronaldo dhe Luka Modriç. Në zonën e Torontos, kërkesa për bileta është rritur edhe për shkak të komuniteteve të mëdha portugeze dhe kroate, që arrijnë përkatësisht në 140 mijë dhe 35 mijë persona. Megjithëse provinca e Ontarios ka miratuar një ligj që ndalon rishitjen e biletave mbi çmimin nominal, zbatimi i tij është i vështirë, duke lejuar kështu që çmimet në platformat e rishitjes të mbeten shumë të larta.