Milan ka vendosur një çmim prej 60-70 milionë eurosh për sulmuesin portugez Rafael Leao, duke hapur mundësinë e largimit të tij gjatë afatit kalimtar të verës. Drejtuesit e klubit kanë zhvilluar takime me përfaqësuesit e lojtarit dhe kanë paraqitur një plan të qartë për të ardhmen, duke mos përjashtuar as opsionin e shitjes nëse vjen oferta e duhur. Sezoni i fundit ka qenë i vështirë për Leao-n, i cili shpesh është përdorur jashtë pozicionit natyral dhe ka shfaqur pakënaqësi, ndërsa dështimi i Milanit për t’u kualifikuar në Ligën e Kampionëve ka ndikuar në rishikimin e planeve të klubit. Manchester United dhe Tottenham janë përmendur si destinacione të mundshme, por deri tani nuk ka marrëveshje konkrete, ndërsa Milan është i gatshëm të pranojë edhe huazimin me detyrim blerje në fund të sezonit të ardhshëm.