Mesfushori anglez Cole Palmer pritet të largohet nga Chelsea gjatë afatit kalimtar veror dhe të rikthehet te Manchester City. Kjo lëvizje lidhet me ndryshimet që do të sjellë largimi i trajnerit Pep Guardiola nga skuadra e qytetit. Enzo Maresca, i cili pritet të marrë drejtimin e Manchester Cityt, ka përgatitur një listë futbollistësh që dëshiron të sjellë në klub, ku përfshihet edhe Palmeri. Trajneri i ri e njeh mirë mesfushorin dhe dëshiron ta ketë pranë vetes për sezonin e ardhshëm.