Thibaut Courtois, portieri belg i Real Madridit, ka zbuluar planet e tij për të ardhmen në një intervistë ekskluzive, duke treguar se dëshiron të qëndrojë edhe 4 apo 5 vite të tjera në klubin madrilen dhe të përfundojë karrierën në “Bernabeu”. Ai ka bërë me dije se rinovoi kontratën vitin e kaluar në fshehtësi të plotë, pa u bërë publike për mediat dhe tifozët. Courtois ka zhvilluar deri tani 333 ndeshje zyrtare me Real Madridin dhe mbetet një nga portierët më të vlerësuar në futbollin botëror. Gjithashtu, ai ka lënë të kuptohet se Kupa e Botës 2026 mund të jetë paraqitja e tij e fundit me Kombëtaren e Belgjikës, duke paralajmëruar një fund të një epoke në karrierën e tij ndërkombëtare.