Thibaut Courtois, portieri i Real Madridit, ka shprehur hapur dëshirën për të përfunduar karrierën e tij te “Los Blancos”. Ai e konsideron qëndrimin në klubin madrilen si ëndrrën dhe qëllimin kryesor të tij, duke lënë të kuptohet se prioriteti i tij mbetet vazhdimësia në “Santiago Bernabéu”. Deklarata e Courtois vjen në një kohë kur e ardhmja e disa lojtarëve të skuadrës është në diskutim, por ai vetë tregon qartë angazhimin e tij për klubin. Portieri belg është një figurë kyçe në sukseset e Real Madridit në garat kombëtare dhe ndërkombëtare në vitet e fundit.