Mbrojtësi argjentinas Cristian Romero është shumë pranë largimit nga Tottenham Hotspur dhe kalimit te Atletico Madrid, në një transferim që kap vlerën e 40 milionë eurove përfshirë bonuset. Marrëveshja është konfirmuar nga gazetari i njohur Fabrizio Romano me shprehjen “Here we go”, duke vënë kështu pikën mbi spekulimet e shumta për të ardhmen e 28-vjeçarit. Romero, kampion bote me Argjentinën, ishte i lidhur edhe me klube të tjera të mëdha evropiane, përfshirë Interin, por Tottenham nuk dëshironte ta shiste te një rival në Ligën Premier. Në fund, Atletico Madrid fitoi garën për mbrojtësin, i cili pritet të forcojë repartin defensiv të skuadrës së Diego Simeones me përvojën dhe agresivitetin e tij.