Crystal Palace arriti një fitore të rëndësishme 3-1 në transfertë ndaj Shakhtar Donetsk në ndeshjen e parë gjysmëfinale të Conference League, e zhvilluar në Krakow për shkak të situatës në Ukrainë. Anglezët kaluan në avantazh që në minutën e parë me golin e Sarr, ndërsa Shakhtar barazoi në fillim të pjesës së dytë me Oçeretkon. Më pas, Crystal Palace siguruan fitoren me golat e Kamadas në minutën e 58 dhe Larsen në minutën e 84. Ndeshjet e kthimit, që do të zhvillohen javën e ardhshme, pritet të jenë vendimtare për të përcaktuar finalisten e këtij edicioni.