Dani Carvajal, mbrojtësi spanjoll që sapo përfundoi një periudhë të gjatë dhe të suksesshme me Real Madridin, ka bërë të qartë se nuk ka ndërmend të pensionohet. Pas më shumë se 450 ndeshjeve dhe 27 trofeve të fituara me klubin madrilen, 34-vjeçari dëshiron të vazhdojë karrierën e tij si futbollist. Ai nuk ka marrë ende një vendim për klubin e ardhshëm, duke u shprehur se do të zgjedhë opsionin më të mirë për veten dhe familjen. Lajmet e fundit lidhin Carvajalin me një transferim të mundshëm në Arabinë Saudite ose te klubi italian Como, por lojtari thekson se është i hapur ndaj të gjitha mundësive dhe po shqyrton me kujdes çdo ofertë.