Real Madridi po përgatitet për një merkato verore shumë aktive, ku priten largime të rëndësishme, përfshirë David Alaban dhe Dani Ceballosin. Kontrata e Alabas skadon në qershor dhe nuk do të rinovohet, ndërsa Ceballos, i dëmtuar që nga shkurti dhe jashtë planeve të klubit, do të largohet pasi roli i tij është zvogëluar për shkak të ardhjes së talentit Thiago Pitarch dhe përforcimeve të reja në mesfushë. Mesfushori spanjoll ka një dëshirë të qartë për t’u rikthyer te Real Betis, klubi i tij i fëmijërisë, por transferimi mund të hasë vështirësi financiare dhe do të varet nga kushtet që do të vendosë Real Madridi dhe drejtuesit e Betisit. Për momentin, Ceballos fokusohet në rikthimin në fushë me Realin dhe dëshiron të mbyllë aventurën në “Bernabeu” në mënyrë pozitive para largimit në verë, ndërsa interes për të kanë shfaqur edhe klube të tjera nga La Liga dhe Premierliga.