Kombëtarja e Kosovës ka nisur udhëtimin për në Pragë, ku nesër do të zhvillojë ndeshjen miqësore ndaj Çekisë në stadiumin Epet Arena me kapacitet mbi 18 mijë shikues. Federata e Futbollit të Kosovës ka publikuar pamje nga nisja e ekipit, ku atmosfera në kampin dardan është pozitive dhe disponimi i lojtarëve i mirë. Ndeshja ndaj Çekisë do të jetë takimi i parë miqësor i këtij muaji për Kosovën, ndërsa një javë më vonë, më 7 qershor, në Prishtinë do të zhvillohet një tjetër ndeshje miqësore kundër Andorrës në stadiumin “Fadil Vokrri”. Ky seri ndeshjesh shërben si përgatitje për sfidat e ardhshme dhe për të forcuar skuadrën kombëtare.