Kombëtarja e Kosovës në futboll po vijon përgatitjet intensive para dy ndeshjeve miqësore të qershorit. Sot mbahet stërvitja e dytë në Kampin Nacional në Hajvali, pas një seance të parë që u zhvillua në një atmosferë shumë pozitive dhe me energji të re. Dardanët do të luajnë fillimisht në udhëtim ndaj Çekisë këtë të diel, ndërsa më 7 qershor do të presin në ‘Fadil Vokrri’ skuadrën e Andorrës. Federata e Futbollit e Kosovës thekson përkushtimin maksimal dhe fokusin e ekipit për zhvillimin dhe rritjen e mëtejshme të kombëtares.