Përzgjedhësi i Kombëtares së Kosovës për vajza, Sami Sermaxhaj, ka publikuar listën me 23 futbolliste të ftuara për dy ndeshjet e para të kualifikimeve për Kupën e Botës 2027. “Dardanet” do të përballen më 3 mars në stadiumin “Fadil Vokrri” në Prishtinë me Gjibraltarin dhe më 7 mars në udhëtim me Kroacinë në Karlovac, në kuadër të Grupit C2 në Ligën C. Në këtë grup janë edhe Bullgaria, ndërsa fituesi kalon në ‘play-off’ për Botëror dhe ngjitet në Ligën B për ciklin e ardhshëm të Ligës së Kombeve. Përveç fituesit të grupit, edhe dy skuadrat më të mira që renditen të dyta nga gjashtë grupet e Ligës C do të kualifikohen në ‘play-off’.