Tifogrupi i kombëtares së Kosovës, “Dardanët”, ka njoftuar se biletat për ndeshjen e së martës ndaj Turqisë do të shpërndahen vetëm në ditën e ndeshjes, duke filluar nga ora 17:30, në Fan Clubin pranë stadiumit “Fadil Vokrri”. Shpërndarja do të bëhet vetëm për personat mbi 18 vjeç, të cilët duhet të paraqesin kartelën e anëtarësimit vjetor për të marrë biletën. Kjo masë është marrë për të shmangur keqpërdorimin e biletave dhe për të garantuar sigurinë në sektorin e tifogrupit. “Dardanët” bëjnë thirrje për organizim dhe qetësi, duke theksuar se personat që nuk plotësojnë kriteret nuk do të lejohen të afrohen në stadium nga Policia e Kosovës.