Davide Frattesi është zyrtarisht futbollist i Lazios, pasi klubi bardhekaltër arriti marrëveshjen me Interin për transferimin e tij në formë huazimi me të drejtë blerjeje të kushtëzuar. Lazio ka paguar 5 milionë euro për huazimin e mesfushorit italian, ndërsa çmimi i blerjes përfundimtare është vendosur në 10 milionë euro. Sipas marrëveshjes, Interi do të përfitojë edhe 50% të të ardhurave nga një rishitje e mundshme e Frattesit në të ardhmen. Njoftimet zyrtare janë bërë nga të dy klubet, duke konfirmuar kalimin e 27-vjeçarit te Lazio deri në fund të sezonit me opsion blerjeje.