Kevin De Bruyne ka vendosur të vazhdojë karrierën te Napoli edhe për një sezon tjetër, duke refuzuar interesimin e disa klubeve të Major League Soccer si Chicago Fire, San Diego FC dhe Inter Miami. Lëndimi i rëndë gjatë sezonit të tij të parë në Serie A dhe pakënaqësitë me stilin e lojës nën trajnerin Antonio Conte kishin shtuar spekulimet për largimin e tij, por ndryshimet në stolin teknik dhe lidhja e fortë personale me qytetin e Napolit kanë ndikuar në vendimin e mesfushorit belg. De Bruyne dhe familja e tij kanë krijuar një lidhje të veçantë me Napolin, ku ai ka zhvilluar edhe ceremoninë e martesës dhe kalon shumë kohë për pushime. Drejtuesit e klubit kanë theksuar se kontrata e tij është e vlefshme dhe nuk ka arsye për të diskutuar largimin e tij në këtë moment.