Fitorja e ngushtë 2-1 e Gjermanisë ndaj Bregut të Fildishtë ka nxjerrë në pah nevojën për rishikim të repartit mbrojtës para fazave vendimtare të Kupës së Botës 2026. Ish-kapiteni Lotar Mateus ka theksuar se Joshua Kimmich, i vendosur nga trajneri Julian Nagelsmann në krahun e djathtë të mbrojtjes, ka patur vështirësi me shpejtësinë kundër lojtarëve të shpejtë si Jan Diomande dhe mund të ketë probleme edhe më të mëdha në një përballje të mundshme me Kilian Mbappé në fazën e 1/16-ave. Për të përmirësuar situatën, Mateus ka propozuar një riorganizim ku Nathaniel Braun do të luante në krahun e djathtë, David Raum në të majtë dhe Kimmich do të rikthehej në mesfushë, duke përjashtuar Aleksandar Pavloviç nga formacioni titullar. Ndërkohë, kritika ndaj paraqitjes mbrojtëse të Kimmich janë shprehur edhe nga figura të njohura si Thomas Müller, Mats Hummels dhe Paul Breitner, por Mateus mbetet optimist për potencialin e ekipit, duke vlerësuar paraqitjet premtuese të Felix Nmecha dhe Deniz Undav.