FIFA ka vendosur të mos ndryshojë rregullin aktual të penalltive gjatë Kupës së Botës 2026, duke hequr dorë nga propozimi për një hedhje të vetme shorti mes kapitenëve për të përcaktuar avantazhet. Sipas këtij propozimi, fituesi i shortit do të zgjidhte ose të gjuante i pari, ose portën, ndërsa humbësi merrte opsionin tjetër, me qëllim shmangien e avantazheve të dyfishta për një skuadër. Pas konsultimeve me IFAB, u vendos që procedura e deritanishme me dy hedhje shorti të mbetet në fuqi për Botërorin, megjithëse nuk përjashtohet mundësia që ndryshimi të testohet në kompeticione të tjera në të ardhmen. Debati për këtë çështje u ndez sërish pas finales së Ligës së Kampionëve dhe Kupës së Botës 2022, ku situata e hedhjes së shortit ndikoi në fatin e skuadrave dhe rezultatin përfundimtar.